Loterías y apuestas

Sociedade Estatal Loterías y Apuestas del Estado

A Sociedade Estatal Loterías y Apuestas del Estado, S.M.E, S.A., adscrita ao Ministerio de Facenda e Función Pública, créase mediante o Real Decreto-lei 13/2010, de 3 de decembro de 2010, que reordena a actividade da entidade pública empresarial Loterías y Apuestas del Estado (LAE).

O capital social da entidade está composto por todos os activos e pasivos, bens e dereitos, así como os títulos habilitantes que ata 2010 eran de titularidade da entidade pública empresarial Loterías y Apuestas del Estado. Isto inclúe a totalidade dos dereitos e obrigacións en relación cos puntos de venda e delegacións que lles segue sendo de aplicación transitoria a normativa administrativa, manténdose en vigor a totalidade das garantías recollidas na disposición adicional 34 da Lei 26/2009 de 23 de decembro.

Corresponde á Sociedade Estatal Loterías y Apuestas del Estado a xestión dos xogos reservados de Lotarías de titularidade estatal e posúe licenzas singulares para a comercialización de apostas deportivas e hípicas mutuas, tal e como informa a Dirección Xeral de Ordenación do Xogo.