Loterías y apuestas

A Sociedade Estatal Loterías y Apuestas del Estado (SELAE), en sintonía coas Directrices de Xogo Responsable establecidas polo Consello de Dirección da SELAE con data do 1 de setembro de 2008, e en estrito cumprimento co artigo 6.2.a) da Lei 13/2001, do 27 de maio, de regulación do xogo, informa da prohibición de participar nos xogos da SELAE ás persoas menores de 18 anos, tanto nos puntos de venda da rede comercial como en loteriasyapuestas.es

• Puntos de venda da Rede Comercial de Loterías: En todos os puntos de venda da rede comercial hai carteis informativos nos que se indica a prohibición de participación nos xogos da SELAE para menores de 18 anos, tal e como establece a Lei 13/2011, do 27 de maio, de regulación do xogo. Eses carteis están situados na porta de acceso e nas ventás de atención ao público.

• loteriasyapuestas.es: Ademais, loteriasyapuestas.es, páxina oficial da SELAE, non acepta en ningún caso a inscrición de menores de idade, e así se lles informa a todos os nosos visitantes en xeral, e a aqueles que inician o proceso de alta, en particular.

Para garantir o cumprimento desta política, SELAE está totalmente comprometida co control da veracidade dos datos proporcionados polas persoas participantes en liña, mediante os mecanismos de verificación habilitados e esixidos pola Lei 13/2011, do 27 de maio, de regulación do xogo.

En canto ás medidas técnicas para minimizar o risco de acceso indebido por parte de menores mediante a conta dunha persoa adulta, proporcionamos aos nosos usuarios rexistrados a información adecuada para garantir a confidencialidade dos contrasinais. Ademais, nesta web non está permitido o uso de opcións de gardado automático do contrasinal que poidan permitir a conexión inmediata e non verificada de menores con contas pertencentes a persoas adultas.
SELAE conserva un rexistro de todos os intentos de acceso, tanto se se realizan con éxito como se non, para a súa posterior auditoría.

Para máis información sobre a Xestión Responsable do Xogo en SELAE consulta aquí

Poderás atopar información sobre a Xestión Responsable do Xogo en loteriasyapuestas.es aquí.